မွေးနေ့ဖွင့်ဆိုချက်






စာရေးဘို့ မအားလို့ ကဗျာလေးပဲဖတ်ပါ.....ချစ်သောသူငယ်ချင်းများ



အနှစ် နှစ်ဆယ့်ခြောက်နှစ်ကျော် ဖြတ်သန်းခဲ့ပြီးသော လူ့ဘ၀မှာ

မျက်ရည်တွေက ငါ့အတွက် ခါးသီးလွန်းနေဆဲပဲ

မိန်းမတစ်ယောက်အပေါ် ရိုက်ခတ်နေတဲ့

လှိုင်းတွေက ဒီနေ့အထိ မရပ်သေးဘူး

ဘာကိုမှ မမျှော်လင့်ချင်တော့တဲ့

နေ့ရက်တွေထဲ

လောင်ကျွမ်းနေတဲ့ ဒုက္ခတွေသာ

အကောင်း ပကတိ ရရှိခဲ့

မိတ်ဆွေ ပန်းချီဆရာ တစ်ယောက်ကတော့

“ လှိုင်းလေပြင်းထန်တဲ့ ရေပြင်ပေါ်မိန်းမသားတစ်ယောက်အနေနဲ့

ကြံကြံခံ လှော်တက် ဆန်တက်နေခြင်းကို

လေးစားတန်ဖိုးထားရပါတယ် ” လို့

လက်ဆောင် ပန်းချီကား နောက်ကျောမှာ ရေးထားရဲ့

အငြင်းပွားစရာ မလိုပါဘူး အဲ့ဒီ ရေပြင်ပေါ်မှာ

သွေးထိုးစမ်းချင်တဲ့ ယောက်ျားတွေရဲ့

အကြည့်စူးစူးတွေ ရှိတယ်

စကားလုံးတွေနဲ့

စော်ကားဖို့ ၀န်မလေးတဲ့

မင်းသား ခေါင်းဆောင်း ဘီလူးတွေ ရှိတယ်

မနာလိုခြင်းတွေ တောက်လောင်နေတဲ့ မျက်ဝန်းတွေ ရှိတယ်

တစ်နေ့ပြီးတစ်နေ့ ပိုမာကျောလာတဲ့ ခံနိုင်ရည်တွေက

ငါ့ မွေးနေ့ပေါင်း များစွာကို အရောင် တင်ပေးခဲ့ကြတယ်

ဘယ်အရာကိုမှလည်း အရှုံးမပေးတဲ့ ဘာကိုမှလည်း ဦးမညွတ်တဲ့

ဗေဒါ တစ်ပွင့်ရဲ့ ပြတ်သားတဲ့ စိတ်ဓာတ်နဲ့သာ

လောကဓံ ရေပြင်ပေါ်

ငါက မာနတွေနဲ့ ဦးမော့နေမိဆဲ

တိုတောင်းလွန်းတဲ့

ခဏငယ်ပေါင်းများစွာထဲမှာ

မွေးနေ့က

“ရင့်ကျက်မှု”ကို

ငါ့ဆီ ယူဆောင်လာခဲ့တယ်

ငါ့ ရင်နံရံ တစ်ခုလုံးကို ဖွင့်ဖောက်ကြည့်လိုက်ရင်

တစ်စက်ချင်းစီတိုင်းမှာ စွေးစွေးနီနေတဲ့

ရဲရင့်ခြင်း သွေးတွေကိုပဲ

တွေ့ ရ လိမ့် မယ်

မိန်းမတစ်ယောက်ရဲ့

မာ န တွေ ဆို တာ

လောကဓံ လှိုင်းတွေ ရိုက်ခတ်မှ

ပို စွင့်ကားလာတဲ့ “ဗေဒါပွင့်”တွေပေါ့


တော်ဝင်နန်း

0 comments: