နန်းအတွက်မွေးနေ့လက်ဆောင်ပါ
မင်းနဲ့လိုက်ဖက်တဲ့ကဗျာလေးပေါ့။


အချစ်နဲ့စစ်မှာ
မတရားတာ မရှိဘူးဆိုတဲ့
ကမ္ပည်း လှလှတပ်ကာ
အသည်းနှလုံးကို
ဆုလဒ်ထားပြီး
ချစ်တမ်းကစားချင်တယ်တဲ့လား ....

အလျော်အစားအဖြစ်
သံယောဇဉ်ကို မင်းလောင်းကြေးထပ်နိုင်ရင်
ရလဒ်ကို ရင်ဆိုင်ရဲရင်
ရှုံးမဲ မမဲဘူးဆိုရင်
စဉ်းစားပေးပါ့မယ် ....

င့ါအသည်းခွဲဖို့
ငါ့မျက်ရည် မြေကျဖို့
ငါ့သိက္ခာကို ထိပါးဖို့
ရည်၇ွယ်တယ်ဆို
လုပ်ကြည့်လိုက်လေ ...

စိန်ခေါ်တာ မဟုတ်ပေမယ့်
စိန်လာခေါ်ရင်တော့
သွေးကြောင်ပြီး နောက်မဆုတ်တတ်ပါဘူး ...

မန်ကျည်းကိုးပင်မာယာအောက်မှာ
ခပ်ညံ့ညံ့ဒူးထောက်မယ့်
လူမဟုတ်တာမို့
အချစ်ကို game တစ်ခုလို
သဘောထားပြီး
ရှုံး၊ထွက်ပြိုင်ပွဲတစ်ခုကို
ယှဉ်ပြိုင်ဝံ့ပါတယ် ...

သုံးနေကျ သီအိုရီကိုလက်ကိုင်ထားပြီး
တွေ့နေကျ မိန်းကလေးပုံစံထင်လို့
ပြောနေကျ စကားတွေနဲ့
ဖြားယောင်းနိုင်မယ်ထင်ရင်
မှားသွားလိမ့်မယ်နော် ....

ဖြူစင်တဲ့ အချစ်မဟုတ်ဘဲ
ပေါပေါပဲပဲထင်လို့
လာသွေးစမ်းရင်တော့
သတ္တိ မနည်းပါဘူး ...

သရေမဟုတ်တဲ့
အနိုင်၊အရှုံး အဖြေပေါ်တဲ့အထိ
မိန်းမတစ်ယောက်ရဲ့ သိက္ခာနဲ့မာနအတွက်
နောက်မဆုတ်ဘဲ
ရင်ဆိုင်စတမ်းပေါ့ ....

လွယ်မယ်ထင်ရင်
သိမ်းပိုက်ကြည့်လေ
ငါ့အချစ်ကို
ရနိုင်လားလို့ ..

0 comments: